距離上次更新 ，已有5個月!
查實自己唔係咁忙，不過自己懶o者!
回想起最初一、兩個月，真係攰到暈! 無論早、午、晚都可以訓得著! 幸好，當時係停課期，所以唔算辛苦!
今日係阿爸既生日! 
我家族既生日都同節日有關! 阿爸：佛誕，阿媽：中秋節，姨婆：端午節!
今晚，我地全家人去左鯉魚門食海鮮! yummy! 
成成買左部pro pro 地既相機，所以好似遊客四圍影! 
我地又玩即興喇! 前一晚同阿so講羅黎達想去佢屋企BBQ
，佢一口答應! 跟住就去喇!
今日，雖然得3粒人，但係勁OK呀! 
食物份量適中，好味! + 有微風，幾舒服 + 交通方便!
希望儘快encore!
生日既第二日放學，有同事話個加長整左個生日蛋糕俾我! 不過，因為時間唔夾，所以唔可以親手俾我!
雖然我無教佢個小朋友，不過，當值時，我日日都會見到佢! 所以都熟熟地喇! 想不到第2天仍然有想不到的驚喜! 
生日前一晚，我同成成講：覺得自己塊面太圓，好恐怖!
生日當日起身，就見到有成成送既：花+修面用品( 類似皮帶，圍住個頭綁一圈，再充氣)，我只係用過一次，未知有無效!
個日開會到8點，所以只係去左屋企附近食壽司! 但已非常滿足! 
今年的生日 = 幸福 + 驚喜! 
生日前一天，同事已經為我四出張羅生日禮物! 
奇怪的是我都係現場! 佢地仲大大聲討論!
生日當天，我一番到座位，見到一張卡及一大袋禮物
(係佢地就地取材得來)!所以有：1樽柚子蜜+ 1對公仔+ 1包蝦條 + 一包果汁 + 2個用過既印仔 + 寶盒 + winnie 既盒 + 1樽沖涼液 ...... 有d都唔記得左
放學時，有細路同我講：我partner話有個好重要既加長要見我! 叫我去休息室(個刻都好驚)當我去到門口，就諗到可能有古怪! 一入去，班同事唱生日歌，再有我想食既天使蛋糕!
今日 ，趁成成返左工，得番自己一個係屋企! 進行大掃除!
單係處理n年前那些不見得光既工作紙，就裝滿2個垃圾袋! 要處理佢地，都要花一d時間! 因為有個大名係度，唔敢隨便棄置，於是，就將大名個部分用"碎紙機"毀屍滅跡! 無後顧之憂!
聽日，就開始滅蚊!
我是一個很怕麻煩的人! 思想比較單純，易受人影響! 幸好，讀書和工作時，身邊大多是好人!
不過，年紀漸長，接觸的人越多! 發現身邊越來越多壞人! 明刀明槍的壞人可以防，但口蜜腹劍的人卻可怕得多! 口是心非的人，世界多的是!
有時候，羨慕那些雙面人，他們對着討厭的人仍可笑面迎人，他們是如此豁達! 我的道行還未如此高! 對住討厭的人，表裡如一，擺出我係憎你的姿態!
可幸，我身邊的朋友都是比較單純，很少耍手段的人，做人，簡單一點，可以嗎？
